ლატვიამ ფინეთთან, ესტონეთთან, ჩეხეთთან და სხვა ქვეყნებთან ერთად, ევროკავშირის დონეზე უნდა წამოწიოს მოთხოვნა რუსეთის მოქალაქეებისთვის ტურისტული ვიზების შეწყვეტის შესახებ. ამის შესახებ ლატვიის პრეზიდენტმა ეგილ ლევიტსმა განაცხადა.

“ეს იქნება დამატებითი სანქციები რუსეთის წინააღმდეგ. მე, რა თქმა უნდა, ვიცი, რომ რიგი ევროპული ქვეყნებისა, სადაც რუსი ტურისტები მეტ ფულს ტოვებენ, ასეთ წინადადებას არ მიესალმება. ამაზე ეჭვი გერმანიის კანცლერმაც გამოთქვა. ამის მიუხედავად, მიმაჩნია, რომ ამაზე საუბარი აუცილებელია“ , - განაცხადა ლევიტსმა.

მანვე აღნიშნა, რომ ბინადრობის უფლება და ვიზები, რომლებიც უკვე გაცემულია ლატვიის მიერ, უნდა გაუქმდეს მათთვის, ვინც რუსეთის აგრესიას მხარს უჭერს.

„თუმცა, ნებისმიერ შემთხვევაში ისინი აღარც უნდა გაგრძელდეს გარდა შემთხვევებისა, როდესაც გარკვეულ საქმეებზე არსებობს განსაკუთრებული მდგომარეობა. ბინადრობის ნებართვა აღარ გაიცემა ლატვიაში მუდმივად მცხოვრებლებზე, რომლებიც მომავალში მიიღებენ რუსეთის მოქალაქეობას. მათ მოუწევთ ჩვენი ქვეყნის დატოვება“ , - განაცხადა პრეზიდენტმა.