საარჩევნო კოდექსის გადასინჯვის თაობაზე შექმნილ სამუშაო ჯგუფში, რომლის პირველი შეხვედრაც პარლამენტში იმართება, „სამართლიან არჩევნებს“ მონაწილეობის უფლება არ მისცეს

საარჩევნო კოდექსის გადასინჯვის თაობაზე შექმნილ სამუშაო ჯგუფში, რომლის პირველი შეხვედრაც პარლამენტში დღეს იმართება, არასამთავრობო ორგანიზაცია “სამართლიან არჩევნებს” მონაწილეობის ნება არ დართეს. ამის შესახებ ჟურნალისტებს სამუშაო ჯგუფის ხელმძღვანელმა გივი მიქანაძემ განუცხადა და გადაწყვეტილების მიზეზი განმარტა.

მისი თქმით, “სამართლიანმა არჩევნებმა” ნეიტრალიტეტი დაკარგა, როდესაც პრემიერ-მინისტრის გადაყენების თაობაზე მოთხოვნას შეუერთდა. მიქანაძის განმარტებით, “სამართლიანი არჩევნები” არის ორგანიზაცია, “რომელმაც 2020 წლის პარალელური დათვლის შედეგები გააყალბა, 7 კვირის განმავლობაში დამალა და ამით ქვეყნის იმიჯი შელახა”.

“დღეს დილით აღმოსავლური პარტნიორობის პლატფორმამ წარმოადგინა ორი ორგანიზაციის დასახელება, რომელიც მათი მხრიდან არიან წარმოდგენილები ამ პროცესში მონაწილეობისთვის - “ახალგაზრდა იურისტთა ასოციაცია” და “სამართლიანი არჩევნები”. მიუხედავად იმისა, რომ პლატფორმას ჩვენგან წინასწარ ჰქონდა ინფორმაცია, რომ "სამართლიანი არჩევნების" ჩართულობა არის ჩვენთვის არგუმენტირებულად მიუღებელი, მათი მხრიდან მოხდა ამ ორგანიზაციის მაინც წარმოდგენა. მივიღეთ გადაწყვეტილება, რომ “სამართლიანი არჩევნები” ამ სხდომაზე არ მოგვეწვია და იქნება მხოლოდ “ახალგაზრდა იურისტთა ასოციაცია”.

ამას თავისი საფუძვლები აქვს, რაც მდგომარეობს იმაში, რომ არასამთავრობო ორგანიზაციები, პროცესში შეიძლება ჩაერთონ მხოლოდ იმ შემთხვევაში, თუ ნეიტრალიტეტს ინარჩუნებენ. “სამართლიანმა არჩევნებმა” ეს ნეიტრალიტეტი დაკარგა, როდესაც ბოლო შეკრების დროს შეუერთდნენ მოთხოვნას, პრემიერ-მინისტრის გადაყენების თაობაზე. შესაბამისად მათ ნეიტრალიტეტზე საუბარი შეუძლებელია. გვაქვს პლატფორმისგან ინფორმაცია, რომ როტაციული პრინციპით სხვადასხვა შეხვედრაზე სხვადასხვა ორგანიზაცია მიიღებს მონაწილეობას. სამუშაო ჯგუფის კარი ღიაა ნებისმიერი ნეიტრალური არასამთავრობო ორგანიზაციისთვის”,- განაცხადა გივი მიქანაძემ.

თენგიზ ცერცვაძე - შეგვიძლია დაგიდასტუროთ, რომ დღეს საქართველოში მოსახლეობის COVID უსაფრთხოება საიმედოდ არის დაცული და პანდემია არ ახდენს ნეგატიურ გავლენას ცხოვრების ხარისხზე
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
არჩილ მორჩილაძე - ჯანმრთელობის დაზღვევის სფეროში სახელმწიფო შესყიდვების უმეტესობა ხელს უწყობს ქვეყანაში პოლიფარმაციას და გაუმართლებლად ზრდის დაზღვევის ღირებულებას
ქართული პრესის მიმოხილვა 06.10.2022
შეზღუდული პერიოდით “სკიო გუდაური” ბინებს არასეზონურ ფასად გაყიდის
საქართველოს ბიზნეს ასოციაციის წევრი კომპანიების წარმომადგენლები საქართველოს პრემიერ-მინისტრს შეხვდნენ
„საქართველოს ბანკის“ მხარდაჭერით, თბილისში ახალი მრავალფუნქციური სივრცე „კომბინატი - Combinaty“ იხსნება
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო