უკრაინის პრეზიდენტის ადმინისტრაციის ხელმძღვანელის მრჩეველი, მიხაილო პოდოლიაკი რუსეთის თავდაცვის სამინისტროს განცხადებას იმასთან დაკავშირებით, რომ უკრაინის ზაპოროჟიეს ატომურ ელექტროსადგურზე ადამიანის მიერ გამოწვეული კატასტროფის საფრთხე არსებობს, ცინიკურს უწოდებს.

„რუსეთი შეშფოთებულია ზაპოროჟიეს ატომურ ელექტროსადგურზე შესაძლო კატასტროფის გამო - რუსეთის თავდაცვის სამინისტრო ცინიკურად იცინის. გამოსავალი არსებობს. თქვენ უბრალოდ უნდა განაღმოთ შენობები, გაათავისუფლოთ თანამშრომლები, შეაჩეროთ დაბომბვა და დატოვოთ ატომური ელექტროსადგური. მარტივია, არა?“- წერს პოდოლიაკი.

შეგახსენებთ, რუსეთის ხელისუფლების წარმომადგენლებმა დღეს განაცხადეს, რომ უკრაინის ზაპოროჟიეს ატომურ ელექტროსადგურზე ადამიანის მიერ გამოწვეული კატასტროფის საფრთხე არსებობს და რომ კიევი და დასავლეთი გაერო-ს გენერალური მდივნის, ანტონიო გუტერეშის უკრაინაში ვიზიტის დროს ელექტროსადგურზე პროვოკაციას გეგმავენ.