ოკუპანტებმა მიკოლაივის ოლქი „სმერჩის“ ტიპის ზალპური ცეცხლის რეაქტიული სისტემიდან დაბომბეს, - ინფორმაციას უკრაინული მედია ოპერატიულ სარდლობა „სამხრეთზე“ დაყრდნობით ავრცელებს.
მათივე ცნობით, სოფელ გალიცინოვოში დაზიანდა რამდენიმე საცხოვრებელი სახლი, დაინგრა სახანძრო სამსახურის შენობა, განადგურდა სახანძრო მანქანა და დაშავდა ერთი მშვიდობიანი მოქალაქე.
ქალაქ მიკოლაივში კი ოკუპანტებმა საპორტო ინფრასტრუქტურის ობიექტებზე მიიტანეს იერიში. თავდასხმის შედეგად არავინ დაშავებულა ან დაღუპულა.
უკრაინული მედიის ცნობით, მიკოლაივის ოლქში, ომის დაწყებიდან, 9.1 ათასზე მეტი სამოქალაქო ობიექტი დაზიანდა.