უკრაინის სიდიდით მეორე ქალაქი ხარკოვი, ერთ-ერთია, რომელიც უკრაინაში რუსეთის შეჭრის დაწყების შემდეგ რეგულარულად ყველაზე მეტად იბომბება, - ამის შესახებ გაერთიანებული სამეფოს თავდაცვის სამინისტროს ინფორმაციაში აღნიშნული.

მათივე შეფასებით, მრავალჯერადმა სარაკეტო გამშვებებმა და ზოგადად არაზუსტმა იარაღმა ქალაქის დიდი ნაწილის განადგურება გამოიწვია. ბრიტანეთის თავდაცვის სამინისტროში აცხადებენ, რომ ხარკოვში რუსული ძალები აგრძელებენ დარბევებსა და უკრაინული ძალების დაბომბვას, რისი მიზანიც, სავარაუდოდ ის არის, რომ აიძულონ უკრაინა ამ ფრონტზე ძალები შეინარჩუნოს და ისინი სხვაგან კონტრშეტევისთვის ვერ გამოიყენოს.

„ისინი, ალბათ, ცდილობენ აიძულონ უკრაინა, შეინარჩუნოს მნიშვნელოვანი ძალები ამ ფრონტზე, რათა კონტრშეტევის ძალად მათი სხვაგან გამოყენება აღკვეთონ“, - აცხადებენ ბრიტანეთის თავდაცვის უწყებაში.