ვოლოდიმირ ზელენსკი დარია დუგინას მანქანის აფეთქებაში ეჭვმიტანილზე  - ეს ჩვენი პასუხისმგებლობა არ არის, ის არ არის ჩვენი ქვეყნის მოქალაქე, არ ვართ დაინტერესებული მისით

უკრაინის პრეზიდენტმა ვოლოდიმირ ზელენსკიმ ცნობილი რუსი ულტრანაციონალისტი ფილოსოფოსის, ალექსანდრე დუგინის ქალიშვილის, დარია დუგინას მკვლელობის საქმეზე უკრაინის პასუხისმგებლობა უარყო და განაცხადა, რომ ეჭვმიტანილი უკრაინის მოქალაქე არ არის.

„ეს არ არის ჩვენი პასუხისმგებლობა. ის არ არის ჩვენი ქვეყნის მოქალაქე. ჩვენ არ ვართ დაინტერესებული მისით“, - განაცხადა უკრაინის პირველმა პირმა.

შეგახსენებთ, რუსეთის უშიშროების ფედერალური სამსახურის მტკიცებით, თავდამსხმელი უკრაინელი ქალი იყო, რომელიც რუსეთში 23 ივლისს ჩავიდა თავის მცირეწლოვან ქალიშვილთან ერთად.

დუგინას ავტომობილში მოთავსებული ასაფეთქებელი ნივთიერების დისტანციური აფეთქების შემდეგ, რუსეთის უშიშროების ფედერალური სამსახურის თქმით, თავდამსხმელმა ქალმა და მისმა ქალიშვილმა რუსეთი ავტომობილით დატოვეს და ესტონეთში გადავიდნენ.

ვახტანგ ძაბირაძე - ემოციური ზაფხული და არანაკლებ სახიფათო შემოდგომა გველის
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
ლოპოტა კერამიკული ქანდაკებების საერთაშორისო სიმპოზიუმს Bird of Paradise 2024-ს მასპინძლობს