ლატვიის პრეზიდენტი ეგილს ლევიტსი რუსულენოვანი მოსახლეობის იზოლირების მოწოდებით გამოდის, რომლებიც ეწინააღმდეგებიან სახელმწიფოს პოლიტიკურ კურსს რუსეთ-უკრაინის ომთან დაკავშირებით.

ლატვიურ მედიასთან ინტერვიუში ლევიტსმა აღნიშნა, რომ უკრაინაში მიმდინარე რუსული შეჭრა დასავლეთისთვის „რუტინად“ იქცა.

ბალტიისპირეთის ქვეყნის ლიდერმა ხაზგასმით აღნიშნა, რომ უკრაინაში სამხედრო კონფლიქტის დაწყების შემდეგ, ლატვიის საზოგადოებაში როგორც დადებითი, ისე უარყოფითი ეფექტები დაფიქსირდა, ხოლო ლატვიის მოქალაქეები „უფრო პატრიოტები“ გახდნენ.

ლატვიის პრეზიდენტის აზრით, დადებითი ეფექტი არის ის, რომ საზოგადოების უმრავლესობა „უფრო აცნობიერებს“ საკუთარ ქვეყანას და თავისუფლების ფასს.

ლევიტსის თქმით, უარყოფითი ეფექტი არის ის, რომ გამოჩნდა "რუსული საზოგადოების ნაწილი, რომელიც არ არის ლოიალური სახელმწიფოს მიმართ", მანვე აღნიშნა, რომ "ჩვენი ამოცანაა გავუმკლავდეთ საზოგადოების [რუსულენოვან] ნაწილს და მათი იზოლირეაბა მოვახდინოთ საზოგადოებისგან".