გერმანიის კანცლერის, ოლაფ შოლცის განცხადებით, გერმანია უკრაინას არ მისცემს ისეთ იარაღს, რომლის საშუალებითაც ის დარტყმის განხორციელებას რუსეთის ტერიტორიაზე შეძლებს.

„შეერთებული შტატების პრეზიდენტმა ეს საკმაოდ მკაფიოდ ჩამოაყალიბა: მან თქვა, რომ არ მიაწოდებდა იარაღს, რომლითაც რუსეთის ტერიტორიის დაბომბვაა შესაძლებელი. მიმაჩნია, რომ ეს პრინციპია, რომელსაც ყველა ვეთანხმებით“, -აღნიშნა შოლცმა.

მისი თქმით, გერმანიის მიზანია ხელი შეუშალოს პუტინს ომის მოგებაში, რათა უკრაინის სუვერენიტეტისა და ტერიტორიული მთლიანობის შენარჩუნება მოხდეს.

ამასთან, ოლაფ შოლცმა ხაზი გაუსვა, რომ გერმანია მოიქცევა ისე, რომ უკრაინა-რუსეთის ომი „სრულიად განსხვავებულ ომში“ არ გადაიზარდოს.