ოკუპირებული ყირიმის მორგები და საავადმყოფოები გადავსებულია რუსი სამხედროებით, რადგან უკრაინის სამხრეთით დაჭრილი და გარდაცვლილი რუსი სამხედროები სწორედ ნახევარკუნძულზე გადაჰყავთ.

„უკრინფორმის“ ინფორმაციით, ამის შესახებ უკრაინის პრეზიდენტის მუდმივმა წარმომადგენელმა ყირიმის ავტონომიურ რესპუბლიკაში ტამილა ტაშევამ განაცხადა.

მისი თქმით, ამ დროისთვის ჯანკოეში სამოქალაქო პირებს იშვიათად უშვებენ საავადმყოფოებში. მთელი სამედიცინო ინფრასტრუქტურა ასეთ ქალაქებში, როგორიც არის ჯანკოი, არმიანსკი, სიმფეროპოლი და სევასტოპოლი, გამოიყენება რუსი სამხედროების მომსახურებისთვის.

ტამიშევამ აღნიშნა, რომ ადგილობრივი მოსახლეობა აღშფოთებულია იმით, რომ წვევამდელებს ომს აიძულებენ მიუხედავად დაპირებისა, რომ მათ ფრონტზე არ გაუშვებდნენ.