უკრაინის გენშტაბი - სლავიანსკის მიმართულებით მტერი დაზვერვის ჩატარებას შეეცადა, მაგრამ დანაკარგები განიცადა და უკან დაიხია

მტერმა სლავიანსკის მიმართულებით ტანკებით, არტილერიისა და მრავალჯერადი გაშვების სარაკეტო სისტემებიდან დაბომბა კურულკას, ბრაჟკოვკას, ბოგოროდიჩნის, კრასნოპოლიესა და ადამოვკას ახლომდებარე ტერიტორიები, - ამის შესახებ ინფორმაცია უკრაინის შეიარაღებული ძალების გენერალური შტაბი ავრცელებს.

„მტერმა გამოიყენა სადაზვერვო უპილოტო საფრენი აპარატები. ის ცდილობდა უაზრო დაზვერვის ჩატარებას დოლინას დასახლების მიდამოში, დანაკარგები განიცადა და უკან დაიხია. ტაქტიკური სიტუაციის გაუმჯობესების მიზნით, მტერმა თავდასხმა განახორციელა ბოგოროდიჩნის მახლობლად, მაგრამ წარმატებას ვერ მიაღწია“, - ნათქვამია ინფორმაციაში.

გენშტაბის ცნობით, ვოლინის, პოლესკისა და სევერსკის მიმართულებებით მნიშვნელოვანი ცვლილები არ მომხდარა. რუსულმა ძალებმა არტილერიით დაბომბეს სამოქალაქო ინფრასტრუქტურა სუმის ოლქის ბელოპოლიეს, გაის, ეკატერინოვკას, მიროპოლიესა და ვოდოლოგსის დასახლებების ტერიტორიებზე და უპილოტო საფრენი აპარატებით საჰაერო დაზვერვა ჩაატარა.

ხარკოვის მიმართულებით, მტერმა რამდენიმე დასახლების ტერიტორია არტილერიით დაბომბა, ნოვის მახლობლად კი საჰაერო დარტყმა განახორციელა.

„მტერი უპილოტო საფრენი აპარატების გამოყენებით საჰაერო დაზვერვას აგრძელებს“, - აღნიშნულია ინფორმაციაში.

უწყების ცნობით, კრამატორსკის მიმართულებით, დაბომბვა დაფიქსირდა გრიგოროვკას, სევერსკის და ივანო-დარიევკას მახლობლად.

„ბახმუტის მიმართულებით მტერმა დაბომბა სამხედრო და სამოქალაქო ინფრასტრუქტურა ბახმუტსკოესთან, შუმოვთან, იაკოვლევკასთან, ზაიცევსთან და კოდემასთან. ავიადარტყმები მიაყენა იაკოვლევკასა და კოდემას ტერიტორიებს. კოდემასა და ზაიცევის მახლობლად უკრაინელმა დამცველებმა მტრის შეტევის მცდელობა შეაჩერეს“, - აღნიშნულია ინფორმაციაში.

ავდიივკას მიმართულებით რუსულმა ძალებმა ცეცხლი გახსნეს ავდიივკას, ვოდიანის, ვესელის, მარინკას, ალექსანდროპოლისა და ტონენკოეს ტერიტორიებზე. ტაქტიკური პოზიციის გაუმჯობესების მიზნით, მტერმა შეტევითი ბრძოლები ჩაატარა პერვომაისკის ტერიტორიაზე, მაგრამ წარმატებას ვერ მიაღწია.

„ზაპოროჟიეს მიმართულებით დამპყრობლებმა ტანკებითა და არტილერიით დაბომბეს ჩვენი პოზიციები დოროჟნიანკას, შევჩენკოს, პოლტავკას, ბელოგორიეს და ნოვოპოლის დასახლებების ტერიტორიებზე. საჰაერო დარტყმები განხორციელდა ნოვოპოლსა და ნოვოსელკას მახლობლად.

იუჟნობუჟსკის მიმართულებით, მტრის ძირითადი ძალისხმევა კონცენტრირებულია ჩვენი ჯარების წინსვლის აღკვეთაზე. იღებს ზომებს დანაკარგების ასანაზღაურებლად“, - აღნიშნულია ინფორმაციაში.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 06.10.2022
საქართველოს ბიზნეს ასოციაციის წევრი კომპანიების წარმომადგენლები საქართველოს პრემიერ-მინისტრს შეხვდნენ
„საქართველოს ბანკის“ მხარდაჭერით, თბილისში ახალი მრავალფუნქციური სივრცე „კომბინატი - Combinaty“ იხსნება
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო