უკრაინის შეიარაღებულმა ძალებმა ხერსონში რუსებს დაარტყეს, - ინფორმაციას უკრაინული მედია ხერსონის საოლქო საბჭოს დეპუტატზე, სერჰი ხლანზე დაყრდნობით ავრცელებს.

მისი თქმით, უკრაინელმა სამხედროებმა დროებით ოკუპირებულ საოლქო ცენტრში საბრძოლო მასალის საცავებსა და მოწინააღმდეგის სამხედრო ნაწილს დაარტყეს.

„ხერსონის ოლქი. ორკებისთვის წუხანდელი ღამე იოლი არ იყო. ბევრისთვის უკანასკნელიც აღმოჩნდა. „ჩამოფრენები“ საწყობებსა და რაშისტების სამხედრო ნაწილში“, - წერს ხლანი.

უკრაინული მედიის ცნობით, უკრაინის შეიარაღებული ძალების მიერ განხორციელებული თავდასხმის ამსახველი ვიდეო სოციალურ ქსელში გავრცელდა.