თურქეთი ბოსფორისა და დარდანელის სრუტეებში გავლას 5-ჯერ აძვირებს. გადაწყვეტილება ძალაში 7 ოქტომბრიდან შევა. შედეგად, თურქეთს საერთო შემოსავალი 40 მილიონი დოლარიდან 200 მილიონ დოლარამდე გაეზრდება. ამის შესახებ ინფორმაციას თურქული მედია ავრცელებს.

„2022 წლის 7 ოქტომბრიდან რეგულაციის ძალაში შესვლით, მიმდინარე შემოსავალი 40 მილიონი დოლარიდან 200 მილიონ დოლარამდე გაიზრდება, შუქურების, მაშველების მომსახურებისა და ჯანდაცვის საფასურის ხუთჯერ გაზრდით“,-ნათქვამია განცხადებაში.