დავით უსუფაშვილი - ჩვენი პოზიციაა, რომ ომბუდსმენის კანდიდატი შევარჩიოთ არასამთავრობო სექტორის მიერ შემოთავაზებული კანდიდატებიდან - ამას იზიარებს ოპოზიციური ჯგუფების უმრავლესობა

ჩვენი პოზიციაა, რომ საპარლამენტო პოლიტიკურმა ჯგუფებმა ომბუდსმენის კანდიდატი შევარჩიოთ არასამთავრობო ორგანიზაციების მიერ შემოთავაზებული კანდიდატებიდან, ზუსტად ისევე, როგორც წინა ომბუდსმენის შერჩევა მოხდა - ამ პოზიციას იზიარებს საპარლამენტო ოპოზიციური ჯგუფების უდიდესი უმრავლესობა,- ამის შესახებ „ლელოს“ დეპუტატმა დავით უსუფაშვილმა ჟურნალისტებთან განაცხადა.

რაც შეეხება დღევანდელ შეხვედრას, რომელიც ომბუდსმენის არჩევის წესთან დაკავშირებით საპარლამენტო სუბიექტებს შორის იმართება, როგორც უსუფაშვილი აცხადებს, ისინი მხოლოდ კომიტეტების, ბიუროსა და პლენარულ სხდომებში მიიღებენ მონაწილეობას, თუმცა არ ჩაერთვებიან სამუშაო ჯგუფების მუშაობაში.

„სამუშაო ჯგუფებზე „ლელოს“ პოზიცია უცვლელია. ჩვენ ვთქვით, რომ საპარლამენტო საქმიანობაში ვერთვებით. იმისთვის რომ ჩვენ გვყავდეს დამოუკიდებელი, ძლიერი ომბუდსმენი მომავალშიც, რომ შესრულდეს ევროკავშირის ძალიან მკაფიო მითითება, რომ უნდა მოვახერხოთ დამოუკიდებელი და მაღალი ნდობის მქონე კანდიდატი ომბუდსმენად, ჩვენ ვთავაზობთ ყველას - არასამთავრობო ორგანიზაციების ნდობის მქონე ხალხიდან შევარჩიოთ კანდიდატი, რომელსაც ხელისუფლება და ოპოზიცია მხარს დავუჭერთ ერთობლივად. შეგახსენებთ, 90 ხმა არის საჭირო ომბუდსმენის ასარჩევად“, - განაცხადა უსუფაშვილმა.

ცნობისათვის, დღეს სახალხო დამცველის შერჩევის წესთან დაკავშირებით, რომელიც ევროკავშირის ერთ-ერთი რეკომენდაციაა კანდიდატის სტატუსის მისაღებად, საპარლამენტო პოლიტიკურ სუბიექტებს შორის შეხვედრა გაიმართება.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს