ვოლოდიმირ ზელენსკი - ყირიმიდან ხარკოვამდე რუსეთის არმიას არ აქვს და არ ექნება არცერთი უსაფრთხო ბაზა - ჩვენი დამცველები გაანადგურებენ ოკუპანტების ყველა საწყობს, შტაბს, მათ აღჭურვილობას

ჩვენი ქვეყნის შეიარაღებული ძალები, ჩვენი სპეცსამსახურები, ჩვენი დაზვერვა ყველაფერს აკეთებენ იმისთვის, რომ ყოველი რუსი სამხედრო აუცილებლად გრძნობდეს უკრაინულ პასუხს ამ საშინელ ტერორზე, რომელიც რუსეთმა მოიტანა ჩვენს მიწაზე, - ამის შესხებ უკრაინის პრეზიდენტმა, ვოლოდიმირ ზელენსკიმ განაცხადა.

მისი თქმით, უკრაინელი სამხედროები გაანადგურებენ ოკუპანტების ყველა საწყობს, შტაბსა და აღჭურვილობას.

„უკრაინის დროებით ოკუპირებულ ტერიტორიაზე, ყირიმიდან ხარკოვის ოლქამდე, რუსეთის არმიას არ აქვს და არ ექნება არცერთი უსაფრთხო ბაზა, არცერთი წყნარი ადგილი. ჩვენი დამცველები გაანადგურებენ ოკუპანტების ყველა საწყობს, შტაბს, მათ აღჭურვილობას, სადაც არ უნდა იყოს ისინი განთავსებული. სევასტოპოლის მახლობლად - მაშინ სევასტოპოლის მახლობლად. ლუგანსკთან - მაშინ ლუგანსკთან ახლოს. ეს არის უკრაინული მიწა და ოკუპანტებს მხოლოდ ორი რამ შეუძლიათ - გაქცევა ან დანებება. ჩვენ მათ სხვა ვარიანტს არ ვუტოვებთ”, - აღნიშნა ზელენსკიმ.

მისი თქმით, ამჟამად, აქტიური საომარი მოქმედებები ფრონტის თითქმის მთელ ხაზზე მიმდინარეობს - სამხრეთით, ხარკოვის ოლქსა და დონბასში.

„რუსეთის სამხედრო სარდლობას დაევალა დონეცკის ოლქის აღება აგვისტოს ბოლომდე. ხვალ უკვე აგვისტოს ბოლოა. დონბასში კი უკრაინის დროშა ფრიალებს და უკრაინელი გმირები არიან. ყველაფრის მიუხედავად, რუსეთის მხრიდან უწყვეტი ცეცხლის მიუხედავად, მიუხედავად ოკუპანტების მცდელობისა იქ დაქირავებულები და მსჯავრდებულები გაგზავნოს“, - აღნიშნა ზელენსკიმ.

ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
ქართული პრესის მიმოხილვა 03.10.2022
ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
ქართული ციფრული ბანკების გლობალური აღიარება
ვოლტი ზუგდიდშია