რუსეთის მცდელობებს, მოაწყოს ყალბი „რეფერენდუმები“ უკრაინის ოკუპირებულ ნაწილებში, რუსეთის პრეზიდენტის ადმინისტრაციისუფროსის პირველი მოადგილე, სერგეი კირიენკო ხელმძღვანელობს, - ამის შესახებ აშშ-ის სახელმწიფო დეპარტამენტის პრესსპიკერის მოადგილემ, ვედანტ პატელმა განაცხადა.

მისი თქმით, რუსეთმა ხერსონში, ზაპოროჟიეში, ე.წ. „დონეცკისა და ლუგანსკის სახალხო რესპუბლიკებში“ და ხარკოვის ნაწილებში ყალბი რეფერენდუმები, შესაძლოა, უახლოეს კვირებში მოაწყოს.

„ველით, რომ რუსეთი ამ რეფერენდუმის შედეგებით მანიპულირებას მოახდენს, რათა თვალთმაქცურად განაცხადოს, რომ უკრაინელ ხალხს სურს, რუსეთს შეუერთდეს“, - აღნიშნა აშშ-ის სახელმწიფო დეპარტამენტის წარმომადგენელმა.