დმიტრო კულება - შესაძლოა, ევროკავშირში გაწევრიანება არ მოხდეს ერთ ღამეში, მაგრამ ეს შეიძლება მოხდეს ორ ღამეში

უკრაინის საგარეო საქმეთა მინისტრის დიმიტრი კულებას განცხადებით, უკრაინისა და ევროკავშირის სწრაფად მოქმედების შემთხვევაში, უკრაინას შეუძლია ევროკავშირში გაწევრიანება არა შორეულ მომავალში, არამედ ბევრად უფრო სწრაფად. ამის შესახებ მან ოთხშაბათს პრაღაში „ფორუმი 2000“-ის ღონისძიებაზე განაცხადა.

მინისტრმა აღნიშნა, რომ ევროკომისიის შვიდი რეკომენდაციიდან, რომელიც აუცილებელია ევროკავშირში გაწევრიანების შესახებ მოლაპარაკებების დასაწყებად, უკრაინამ ერთი სრულად შეასრულა და დანარჩენების სწრაფად განსახორციელებლადაც მზად არის.

„დაგვიჯერეთ, ჩვენ ვიცით, რა არის სასწორზე. ჩვენ ძალიან ერთგული ვართ ამ რეკომენდაციების განსახორციელებლად და შემდეგი კითხვაა არა რა იქნება შემდეგი, არამედ როდის. ვფიქრობ, რომ ჩვენ ყველა ვიმსახურებთ ცოტა ოპტიმიზმს. რადგან ტრადიციულად, როდესაც ვინმე საუბრობს ევროინტეგრაციაზე, უკრაინაში, რა თქმა უნდა, ყოველთვის ამატებენ შემდეგს: „კარგი, ამას შეიძლება წლები დასჭირდეს, ამას შეიძლება ბევრი დრო დასჭირდეს". მაგრამ იქნებ არა? სამი თვის წინ არავის სჯეროდა, რომ უკრაინა კანდიდატი ქვეყანა გახდებოდა. ჩვენ მოვისმინეთ იგივე ამბავი: „ამას, მრავალი წელი დასჭირდება...“ ახლა ჩვენ კანდიდატები ვართ, რეკომენდაციებს ვასრულებთ“, - განაცხადა დმიტრო კულებამ.

მან გამოთქვა რწმენა, რომ თუ ორივე მხარე მზად იქნება, უკრაინის ევროკავშირში გაწევრიანების პროცესი შეიძლება სწრაფად მოხდეს.

„თუკი ჩვენ მზად ვართ, ვიმოქმედოთ სწრაფად, ევროკავშირმაც უნდა იმოქმედოს ასევე სწრაფად. როგორც თქვენ თქვით, შესაძლოა ევროკავშირში გაწევრიანება არ მოხდეს ერთ ღამეში, მაგრამ ეს შეიძლება მოხდეს ორ ღამეში და არა წლების განმავლობაში", - დასძინა საგარეო საქმეთა მინისტრმა.

ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
მამუკა გამყრელიძე - პუტინისთვის საბედისწერო აღმოჩნდა შანხაის  სამიტი, მან სამარყანდში დაინახა, რომ  მარტო დარჩა, ამიტომაც შეცვალა ომის მიზანი
ქართული პრესის მიმოხილვა 03.10.2022
ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა
ქართული ციფრული ბანკების გლობალური აღიარება
ვოლტი ზუგდიდშია