ვოლოდიმირ ზელენსკი ვენეციის კინოფესტივალის მონაწილეებს - რუსეთს სურს მსოფლიომ სამი შეცდომა დაუშვას: შეეჩვიოს ომს, შეეგუოს ომს და დაივიწყოს ომი

რუსეთს სურს, მსოფლიომ სამი დრამატული შეცდომა დაუშვას: შეეჩვიოს ომს, შეეგუოს ომს და დაივიწყოს ომი, - ეს განზრახვა არასოდეს არ უნდა განხორციელდეს, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა, რომელმაც ვენეციის კინოფესტივალის მონაწილეებს სიტყვით მიმართა.

„ვიღაცისთვის ძალა მხოლოდ რაკეტები და ბირთვული ქობინებია. ჩვენთვის ძალა ფილოსოფიაში, მენტალიტეტშია, მნიშვნელობები და სიტყვებია. ჩვენთვის ის ასევე იარაღია. მე მინდა, რომ მსოფლიოს ყველა ქვეყანას, ყველა ერს, ყველა ინსტიტუტსა და საზოგადოებას ჰქონდეს მკაფიო წარმოდგენა იმაზე, თუ რას განიცდის უკრაინა ახლა“, - აღნიშნა ზელენსკიმ.

მისი თქმით, მსოფლიო არასდროს უნდა დანებდეს და ბოლომდე, გამარჯვებამდე უკრაინის გვერდით უნდა დადგეს.

„ყველაზე გასაგებ ენაზე რომ გაიგოთ ამ ომის შესახებ, თქვენთვის ეს კინემატოგრაფიის ენაა. მაგრამ ვერ ნახავთ საშინელ კადრებს: აფეთქებებს, სროლებს, ნგრევას, კვამლს, ტკივილსა და ცრემლებს. თქვენ დაინახავთ იმას, რასაც ადამიანების უმეტესობა ჩვეულებრივ ვერ ხედავს. მნიშვნელოვანი სახელები, რომლებიც დავიწყებასა და გაურკვევლობაში ქრება, რადგან ეკრანზე გამოჩენის მომენტში მაყურებლის უმეტესობა ორ რამეს აკეთებს: ფეხზე დგება და მიდის. ვიცი, რომ დღეს მთავარია პირველი. მეორე შეუძლებელია. როცა ვინმე უკრაინის დაღლილობაზე ლაპარაკობს, ეს ტიტრები უნდა აღინიშნოს. უკრაინის მობეზრება ნიშნავს ამ სახელების ამოშლას, ამ სახელების დავიწყებას. დარწმუნებული ვარ, რომ მთელი ცივილიზებული მსოფლიო ამას არასოდეს გააკეთებს, არასოდეს დანებდება, ის დადგება უკრაინის გვერდით ბოლომდე, გამარჯვებულ დასასრულამდე, როდესაც სიმართლე და სამართლიანობა მოისმენს ტაშს! „- აღნიშნა ზელენსკიმ.

ვახტანგ ძაბირაძე - ემოციური ზაფხული და არანაკლებ სახიფათო შემოდგომა გველის
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
ლოპოტა კერამიკული ქანდაკებების საერთაშორისო სიმპოზიუმს Bird of Paradise 2024-ს მასპინძლობს