უკრაინელებმა სამხრეთით ოკუპანტების საბრძოლო მასალის ხუთი საცავი გაანადგურეს

უკრაინელმა დამცველებმა, გასული დღის განმავლობაში, სამხრეთის მიმართულებით რუსი ოკუპანტების საბრძოლო მასალის ხუთი საცავი გაანადგურეს, - ინფორმაციას უკრაინული მედია ოპერატიულ სარდლობა "სამხრეთზე“ დაყრდნობით ავრცელებს.

„სიტუაცია სტაბილურად რთულია, მაგრამ კონტროლირებადი. გრძელდება მტრის მარაგების, რეზერვებისა და სამეთაურო პუნქტების განადგურება", - აღნიშნულია ინფორმაციაში.

ოპერატიულ სარდლობაში აცხადებენ, რომ გასული დღის განმავლობაში, უკრაინულმა ავიაციამ მოწინააღმდეგეს 18 დარტყმა მიაყენა.

„ჩვენმა სარდლობამ 18 დარტყმა მიაყენა მოწონააღმდეგის სამეთაურო და საყრდენ პუნქტებს, საბრძოლო, საწვავი და საპოხი მასალების საწყობებს, ლოგისტიკურ და სატრანსპორტო ობიექტებს. სარაკეტო და საარტილერიო დანაყოფებმა მთელი რიგი საცეცხლე ოპერაციები შეასრულეს “, - ნათქვამია ანგარიშში.

სარდლობაში აცხადებენ, რომ გასული დღის განმავლობაში მტრის დანაკარგებმა შეადგინა 102 სამხედრო, 6 ტანკი, ჰაუბიცა „მსტა-ბ“, „გრადის“ ტიპის მრავალჯერადი სარაკეტო სისტემა, 120 მმ-იანი მობილური ნაღმტყორცნები, 8 ერთეული ჯავშანტექნიკა.

„ამასთან, განადგურებულია საბრძოლო მასალის 5 საცავი ბაშტანსკის, ბერისლავსკის და ხერსონის ტეროტორიებზე", - აღნიშნულია ინფორმაციაში.

ვახტანგ ძაბირაძე - ემოციური ზაფხული და არანაკლებ სახიფათო შემოდგომა გველის
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
ლოპოტა კერამიკული ქანდაკებების საერთაშორისო სიმპოზიუმს Bird of Paradise 2024-ს მასპინძლობს