უკრაინის გენშტაბი - ომის დაწყებიდან დღემდე, უკრაინელების მიერ რუსეთის 48700 ჯარისკაცია ლიკვიდირებული

უკრაინის გენერალური შტაბის ინფორმაციით, 24 თებერვლიდან დღემდე უკრაინული ძალების მიერ რუსეთის 48700 ჯარისკაცია ლიკვიდირებული, მათ შორის 350 ბოლო დღე-ღამის განმავლობაში.

მათივე ცნობით, უკრაინის შეიარაღებულმა ძალებმა, ბოლო დღე-ღამის განმავლობაში ოკუპანტების კუთვნილი კიდევ 12 ტანკი, 21 ჯავშანმანქანა, 11 საარტილერიო სისტემა და სხვა სახის აღჭურვილობა გაანადგურეს. მტრის საერთო დანაკარგი კი მოიცავს: 2009 ტანკს, 4366 ჯავშანმანქანას, 1126 საარტილერიო სისტემას, 289 ზალპური ცეცხლის რეაქტიულ სისტემას, 153 საჰაერო თავდაცვის სისტემას, 234 თვითმფრინავს, 205 ვერტმფრენს, 3247 ავტომობილსა და საწვავის ავზს, 15 გემს/ნავს, 853 უპილოტო საფრენ აპარატს, 105 ერთეულ სპეცტექნიკას, 198 ფრთოსან რაკეტას.