„ენერგოატომი“ - რუსები ყველაფერს აკეთებენ, რომ ატომური ენერგიის სააგენტო ზაპოროჟიეს სადგურზე რეალურ ფაქტებს არ გაეცნოს - მისიას მიუკერძოებელი შეფასების გაკეთება გაუჭირდება

უკრაინის სახელმწიფო ენერგეტიკული კომპანია „ენერგოატომი“ აცხადებს, რომ საერთაშორისო ინსპექტორებს ზაპოროჟიეს ელექტროსადგურზე არსებული სრული სურათის ნახვის საშუალება არ ეძლევათ.

„რუსი სამხედროები ცრუობენ, მანიპულირებენ და ზაპოროჟიეს ატომურ ელექტროსადგურზე არსებულ რეალობას არასწორად წარმოაჩენენ“, - აცხადებენ კომპანიაში.

მათივე მტკიცებით, ოკუპანტები ყველა ღონეს ხმარობენ, რათა ატომური ენერგიის საერთაშორისო სააგენტოს გუნდი ადგილზე ფაქტებს არ გაეცნოს.

„უკრაინელი და უცხოელი ჟურნალისტები სადგურზე არ შეუშვეს და მისიას რუსი პროპაგანდისტები ახლდნენ თან“, - აცხადებენ „ენერგოატომში“.

მათივე მტკიცებით, საერთაშორისო ინსპექტორებს ასევე ხელი შეუშალეს კრიზისული ცენტრის მონახულებაში, სადაც, სავარაუდოდ, სამხედრო პერსონალი იმყოფება.

„დამპყრობლებმა განზრახ დაბლოკეს ფიჭური კომუნიკაციები და ინტერნეტი ენერგოდარში, რათა ხელი შეუშალონ სურათებისა და ვიდეოების გადაგზავნას ზაპოროჟიეს ატომური ელექტროსადგურიდან“, - აცხადებენ კომპანიაში.

„ენერგოატომის“ შეფასებით, აღნიშნული პირობები ნიშნავს, რომ ატომური ენერგიის საერთაშორისო სააგენტოს ზაპოროჟიეს ელექტროსადგურზე არსებული მდგომარეობის შესახებ მიუკერძოებელი შეფასების გაკეთება გაუჭირდება.

ირაკლი მელაშვილი - კანონის მიღებით ხელისუფლებამ საბედისწერო შეცდომა დაუშვა
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
კახა ოქრიაშვილი - ვერცერთი ქართული ოჯახი ვერ იქნება ბედნიერი, თუ ჩვენი დიდი ოჯახი, საქართველო ძლიერი და ბედნიერი არ იქნება