მიხეილ სარჯველაძე - პირადად ჩემი პოზიციაა, რომ ელჩების დანიშვნის საკითხზე მთავრობის სარჩელზე წარმოება უნდა გაგრძელდეს

თუ პრეზიდენტი და მთავრობა ერთ აზრზე იქნებიან, სამართლებრივი კაზუსის საკონსტიტუციო სასამართლოს მიერ გადაწყვეტა საჭირო არ იქნება, მაგრამ თუ ეს საკამათო იქნება, საჭირო იქნება, საკითხი საკონსტიტუციო სასამართლომ გადაწყვიტოს - ეს დამოკიდებულია მოვლენების განვითარებაზე, - ამის შესახებ ადამიანის უფლებათა კომიტეტის თავმჯდომარე მიხეილ სარჯველაძემ საკონსტიტუციო სასამართლოში ელჩების დანიშვნის საკითხზე მთავრობის მიერ პრეზიდენტის წინააღმდეგ საკონსტიტუციო სასამართლოში შეტანილი სარჩელის თაობაზე განაცხადა.

სარჯველაძის თქმით, პირადად მისი პოზიციაა, რომ სარჩელზე წარმოება უნდა გაგრძელდეს.

„კონსტიტუცია ელჩის დანიშვნისას პრეზიდენტის სიმბოლურ დატვირთვას ითვალისწინებს. როცა დანიშვნა ხდება, სრულ პასუხისმგებლობას მთავრობა იღებს, რომელიც საგარეო პოლიტიკის წარმმართველია. პრეზიდენტს ნომინალურად უფლება აქვს ელჩის დანიშვნას ხელი მოაწეროს. არ მგონია, აქ ვითარების დრამატიზება იყოს საჭირო. მთელმა ამ პერიოდმა წარმოაჩინა, რომ ადგილი ჰქონდა სპეკულაციებს, რადგან ბევრი იყო საუბარი პრეზიდენტის დამორჩილებაზე, რაც მტკნარი ტყუილი აღმოჩნდა. იმ ოპოზიციას, ვინც საზოგადოებას ატყუებდა, ამის უნდა რცხვენოდეს, რადგან ადგილი აქვს კომპეტენციებზე სამართლებრივი კაზუსის გადაჭრას. თუ ეს საკითხი დარეგულირდება, საკამათო არაფერი იქნება, ნორმალურ კალაპოტში ჩადგება ანუ თუ პრეზიდენტი და მთავრობა ერთ აზრზე იქნებიან, მაშინ სამართლებრივი კაზუსის საკონსტიტუციო სასამართლოს მიერ გადაწყვეტის საჭიროება არ იქნება, მაგრამ თუ ეს საკამათო იქნება და ჩიხებს შექმნის, მაშინ საჭირო იქნება საკითხი საკონსტიტუციო სასამართლომ გადაწყვიტოს. ეს დამოკიდებულია მოვლენების განვითარებაზე, თუმცა მე პირადად მგონია, რომ საკონსტიტუციო სარჩელზე წარმოება უნდა გაგრძელდეს და გადაწყვეტილება იყოს მიღებული“, - განაცხადა სარჯველაძემ.

ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
კახა ოქრიაშვილი - ჩვენ, ქართველებს არ გვეკადრება ისეთი ხელისუფლება, რომელსაც საკუთარი ერი ფიზიკურ და ფსიქოლოგიურ ტერორში ჰყავს
კომპანია „აზრმა“ BDO Digital-თან თანამშრომლობით ISO 27001 სტანდარტი დანერგა
ბაზისბანკის ინვესტიციით, მესტიაში სასტუმრო „ლილეო ინნ“ გაიხსნა
სიახლე მხოლოდ „ლიბერთის“ მომხმარებლებისთვის
„შეცვალე“ – „პროკრედიტ ბანკი“ მასშტაბურ გარემოსდაცვით კამპანიას იწყებს
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს