ატომური ენერგიის საერთაშორისო სააგენტოს გუნდის ორი წევრი ზაპოროჟიეს ატომურ ელექტროსადგურზე მუდმივად დარჩება, - ამის შესახებ რუსეთის ელჩმა ვენაში განლაგებულ საერთაშორისო ორგანიზაციებში, მიხაილ ულიანოვმა განაცხადა.
„გენერალურმა დირექტორმა, რამდენიმე საათში, როგორც თავად დაადასტურა, მოახერხა გაცნობოდა ატომური ელექტროსადგურის მდგომარეობასთან დაკავშირებულ უმნიშვნელოვანეს პუნქტებს, თუმცა აქ უფრო საფუძვლიანი ექსპერტიზაა საჭირო. ამასთან დაკავშირებით ქარხანაში დარჩა სააგენტოს ექვსი თანამშრომელი, რომელიც სპეციალიზირებულია ბირთვული უსაფრთხოების სფეროში, ისინი იქ კიდევ რამდენიმე დღეს დარჩებიან, რის შემდეგაც ვენაში დაბრუნდებიან“, - განაცხადა ულიანოვმა.
მისი თქმით, აღნიშნული თანამშრომლებიდან ორი ზაპოროჟიეს ატომურ ელექტროსადგურზე მუდმივად დარჩება.