უკრაინის გენშტაბი - უკრაინელმა სამხედროებმა ოკუპანტების ცოცხალი ძალის კონცენტრაციის 10-ზე მეტ ადგილს დაარტყეს და მათი სარაკეტო სისტემები და ჯავშანმანქანები გაანადგურეს

უკრაინის თავდაცვის ძალებმა მტრის ცოცხალი ძალის კონცენტრაციის 10-ზე მეტ ადგილს დაარტყეს, ოკუპანტების 3 საზენიტო სარაკეტო სისტემა და რამდენიმე ჯავშანმანქანა გაანადგურეს, - ამის შესახებ უკრაინის შეიარაღებული ძალების გენერალური შტაბის ინფორმაციაშია აღნიშნული.

„დღის განმავლობაში თავდაცვის ძალების ავიაციამ სახმელეთო ჯგუფების მოქმედებების მხარდასაჭერად 40-ზე მეტი გაფრენა განახორციელა, რომლის დროსაც განადგურდა მტრის რამდენიმე სამეთაურო პუნქტი და საბრძოლო მასალის საცავი. ამასთან, უკრაინულმა ძალებმა მტერს სარაკეტო დარტყმა „Bayraktar ТВ-2“ ტიპის უპილოტო საფრენი აპარატებით მიაყენეს, რის შედეგადაც აფეთქდა საბრძოლო მასალები და ეკიპაჟებთან ერთად განადგურდა მოწინააღმდეგის 2 ჯავშანმანქანა“, - აცხადებენ გენშტაბში.

უწყების ცნობით, უკრაინის ჯარების სარაკეტო ჯარები და არტილერია აგრძელებს მოწინააღმდეგის მართვისა და კონტროლის სისტემის და ლოგისტიკური მხარდაჭერის მოშლას.

„აგრესორი გრძნობს ჩვენი ხალხის სულის უძლეველობას და უკრაინის მიწების გათავისუფლების წყურვილს. ეს განსაკუთრებით შესამჩნევია სამხრეთ რეგიონებში, სადაც ოკუპანტები აძლიერებენ ფილტრაციის ზომებს, რითაც ცდილობენ, შეასუსტონ დროებით ოკუპირებული ტერიტორიების მოსახლეობის პატრიოტული განწყობა“, - აცხადებენ გენერალურ შტაბში.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება