უკრაინის გენერალური შტაბის ინფორმაციით, 24 თებერვლიდან დღემდე უკრაინული ძალების მიერ რუსეთის 49 050 ჯარისკაცია ლიკვიდირებული, მათ შორის 350 ბოლო დღე-ღამის განმავლობაში.
მათივე ცნობით, უკრაინის შეიარაღებულმა ძალებმა, ბოლო დღე-ღამის განმავლობაში ოკუპანტების კუთვნილი კიდევ 25 ტანკი, 37 ჯავშანმანქანა, 8 საარტილერიო სისტემა და სხვა სახის აღჭურვილობა გაანადგურეს. მტრის საერთო დანაკარგი კი მოიცავს: 2034 ტანკს, 4403 ჯავშანმანქანას, 1134 საარტილერიო სისტემას, 293 ზალპური ცეცხლის რეაქტიულ სისტემას, 153 საჰაერო თავდაცვის სისტემას, 235 თვითმფრინავს, 205 ვერტმფრენს, 3268 ავტომობილსა და საწვავის ავზს, 15 გემს/ნავს, 864 უპილოტო საფრენ აპარატს, 105 ერთეულ სპეცტექნიკას, 203 ფრთოსან რაკეტას.