ვოლოდიმირ ზელენსკი - ზაპოროჟიეს ატომური ელექტროსადგურის ტერიტორიის დაბომბვა ნიშნავს, რომ ტერორისტი სახელმწიფოსთვის სულ ერთია რას იტყვის ატომური ენერგიის საერთაშორისო სააგენტო, რას გადაწყვეტს საერთაშორისო საზოგადოება
უკრაინის პრეზიდენტი ვოლოდიმირ ზელენსკი რუსი ოკუპანტების მიერ ზაპოროჟიეს ატომური ელექტროსადგურის ტერიტორიის მორიგ დაბომბვას გამოეხმაურა. ამის შესახებ ქვეყნის პრეზიდენტმა ვიდეომიმართვაში ისაუბრა.
„რუსული მორიგი პროვოკაციული თავდასხმის გამო ენერგოგადაცემის უკანასკნელი ხაზი დაზიანდა, რომელიც ზაპოროჟიეს ატომურ ელექტროსადგურს უკრაინის ენერგოსისტემასთან აკავშირებდა. ეს მეორე შემთხვევაა, როდესაც რუსული პროვოკაციის წყალობით ზაპოროჟიეს სადგურზე რადიაციულ კატასტროფამდე ერთი ნაბიჯი რჩებოდა.
ზაპოროჟიეს ატომური ელექტროსადგურის ტერიტორიის დაბომბვა ნიშნავს იმას, რომ ტერორისტი სახელმწიფოსთვის სულ ერთია რას იტყვის ატომური ენერგიის საერთაშორისო სააგენტო, მას არ ანაღვლებს, რას გადაწყვეტს საერთაშორისო საზოგადოება. რუსეთი დაინტერესებულია მხოლოდ იმით, რომ ვითარება მომავალშიც გაუარესდეს. ამის გამოსწორება მხოლოდ სანქციების გაძლიერებით არის შესაძლებელი და რუსეთის ტერორისტულ სახელმწიფოდ ყველაზე დონეზე აღიარებით“,- განაცხადა ზელენსკიმ.
v-if="article.gallery" v-html="article.gallery"
