ოკუპირებულ ბერდიანსკში, რუსეთის მიერ დანიშნული ოფიციალური პირი ავტომობილში ააფეთქეს

უკრაინის ქალაქ ბერდიანსკში, რომელიც რუსეთის მიერაა ოკუპირებული, რუსეთის მიერ დანიშნულ ოფიციალურ პირს თავს დაესხნენ. კომენდანტად დანიშნული არტემ ბარდინი მაშინ დაშავდა, როდესაც მისი მანქანა სამოქალაქო-სამხედრო ადმინისტრაციის შენობასთან ააფეთქეს. ინფორმაციას CNN ავრცელებს.

„დღეს, 6 სექტემბერს, ბერდიანსკის ცენტრში, სამხედრო-სამოქალაქო ადმინისტრაციის შენობასთან, ქალაქის კომენდანტის არტემ ბარდინის მანქანა ააფეთქეს. აფეთქების შედეგად ქალაქის კომენდანტი საავადმყოფოში მძიმე მდგომარეობაში გადაიყვანეს. ექიმები მას აუცილებელ სამედიცინო დახმარებას უწევენ“, - აცხადებენ მერიაში.

ჯერჯერობით უცნობია, რამ გამოიწვია აფეთქება, თუმცა რუსმა ოკუპანტებმა მომხდარში უკრაინა დაადანაშაულეს.

„კიევის რეჟიმის ტერორისტები აგრძელებენ გათავისუფლებული ტერიტორიების მცხოვრებლების დაშინების მცდელობებს“, - აცხადებენ ქალაქის პრორუსული მერიაში.

როგორც მედია წერს, აფეთქების შედეგად კიდევ სამი მანქანა დაზიანდა.

ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
ქართული პრესის მიმოხილვა 03.10.2022
ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
ქართული ციფრული ბანკების გლობალური აღიარება
ვოლტი ზუგდიდშია