ჯო ბაიდენი და ლიზ ტრასი რუსეთის აგრესიის ფონზე უკრაინის მიმართ მხარდაჭერის გაგრძელების პირობას დებენ

აშშ-ის პრეზიდენტმა, ჯო ბაიდენმა გაერთიანებული სამეფოს ახალ პრემიერ-მინისტრს, ლიზ ტრასს, თანამდებობაზე დანიშვნა მიულოცა, - ინფორმაციას Reuters-ი ავრცელებს.

სააგენტოს ცნობით, ლიდერებმა სატელეფონო საუბრის დროს პირობა დადეს, რომ გლობალურ გამოწვევებთან დაკავშირებით თანამშრომლობას გააღრმავებენ.

„მოუთმენლად ველი ჩვენს ქვეყნებს შორის განსაკუთრებული ურთიერთობების გაღრმავებას და მჭიდრო თანამშრომლობას გლობალურ გამოწვევებთან დაკავშირებით, მათ შორის უკრაინის მიმართ მუდმივ მხარდაჭერაზე, რადგან ის თავს იცავს რუსული აგრესიისგან“, - განაცხადა ბაიდენმა.

ამასთან, გაერთიანებული სამეფოს პრემიერ-მინისტრის ოფისის განცხადებაში აღნიშნულია, რომ ბაიდენმა და ტრასმა განიხილეს ნატო-ში თანამშრომლობის გაღრმავება და აშშ-ავსტრალია-ბრიტანეთის უსაფრთხოების შეთანხმება, რომელსაც გასულ წელს მოეწერა ხელი.

„ლიზ ტრასი მოუთმენლად ელის პრეზიდენტ ბაიდენთან მჭიდრო თანამშრომლობას საერთო გამოწვევებთან გასამკლავებლად, განსაკუთრებით პუტინის ომის შედეგად გამოწვეულ ექსტრემალურ ეკონომიკურ პრობლემებთან დაკავშირებით“, - ნათქვამია პრემიერის ოფისის განცხადებაში.

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ლაჩინის დერეფნის ბლოკადა
კახა ოქრიაშვილი - ვულოცავ „ნაციონალურ მოძრაობას“ შიდა დემოკრატიის განვითარების ახალ ეტაპზე გადასვლას, რის შედეგადაც ეს პარტია უკეთესი და უკეთესი ლიდერებით შეივსება“
TNET-ი და USAID-ი ითანამშრომლებენ ელექტრონული კომერციის განვითარებისთვის საქართველოში
CashBack და Mastercard-ის აქცია ქართული ბრენდებისთვის - 60%-მდე ქეშბექი ონლაინ შოპინგისას
EIB Global-სა და კრედო ბანკს შორის მიკრო, მცირე და საშუალო ზომის საწარმოების მხარდასაჭერად 28.8 მილიონი ლარის მოცულობის სასესხო ხელშეკრულება გაფორმდა
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს