რუსმა სამხედროებმა უკრაინაში შეჭრის დაწყების დღიდან 383 ბავშვი მოკლეს, - ინფორმაციას უკრაინის გენერალური პროკურატურა ავრცელებს.

„7 სექტემბრის დილისთვის არსებული ოფიციალური მონაცემებით, დაიღუპა 383 ბავშვი და დაშავდა 742“, - აცხადებენ უწყებაში.

მათივე ცნობით, ეს მაჩვენებლები არ არის საბოლოო, რადგან გრძელდება მუშაობა დროებით ოკუპირებულ და გათავისუფლებულ ტერიტორიებზე აქტიური საომარი მოქმედებების ადგილებზე.

ცნობისათვის, გუშინ, უკრაინის ომბუდსმენის აპარატმა გაავრცელა ინფორმაცია, რომ რუსეთის ფედერაციის სრულმასშტაბიანი შეჭრის დაწყებიდან ქვეყანაში დაკარგულად 236 ბავშვი ითვლება.