დიდი ბრიტანეთის ახლად დანიშნულ საგარეო საქმეთა მინისტრს, ჯეიმს კლევერლსა და მის უკრაინელ კოლეგას, დმიტრო კულებას შორის სატელეფონო საუბარი შედგა.
„ჩვენ ერთსა და იმავე აზრზე ვართ მთავარ მიზანთან დაკავშირებით: უკრაინამ უნდა გაიმარჯვოს. ჩვენ აქტიურად ვიმუშავებთ ერთად, რათა დავარწმუნოთ სხვები მთელ მსოფლიოში, მხარი დაუჭირონ მას [უკრაინის გამარჯვებას], განსაკუთრებით მათ, ვისაც ჯერ კიდევ ეჭვები აქვს“, - დაწერა „ტვიტერის“ საკუთარ გვერდზე უკრაინის პირველმა დიპლომატმა.