რუსეთის მმართველი პარტიის „ერთიანი რუსეთის“ წარმომადგენელი ანდრეი ტურჩაკი 4 ნოემბერს უკრაინის ოკუპირებულ რეგიონებში რუსეთთან შეერთების საკითხზე რეფერენდუმის ჩატარების შეთავაზებით გამოდის.

მისი თქმით, „სწორი და სიმბოლური" იქნება რეფერენდუმის ამ დღეს გამართვა, როდესაც რუსეთი „ეროვნული ერთობის დღეს“ ზეიმობს.

ტურჩაკის განცხადებით, ნებისმიერ შემთხვევაში, კენჭისყრა აუცილებლად წელს ჩატარდება.

ცნობისთვის, უკრაინის ოკუპირებული ტერიტორიების პრორუსი ოფიციალური პირები მანამდე აცხადებდნენ, რომ რუსეთთან შეერთების შესახებ რეფერენდუმი 11 სექტემბერს ჩატარდებოდა. თუმცა, ორშაბათს, ოკუპირებულ ხერსონის რეგიონში, რუსეთის მიერ დანიშნულმა ოფიციალურმა პირებმა განაცხადეს, რომ უკრაინული ძალების თავდასხმების გამო, ისინი დაგეგმილ რეფერენდუმს "აჩერებენ".