უკრაინელმა სამხედროებმა, ქვეყნის სამხრეთ ნაწილში, გასული დღის განმავლობაში 100-ზე მეტი ოკუპანტი, მოწინააღმდეგის 40-მდე ერთეული აღჭურვილობა და საბრძოლო მასალის ორი საცავი გაანადგურეს,- ინფორმაციას ოპერატიული სარდლობა „სამხრეთი“ ავრცელებს.

მათივე ცნობით, მოწინააღმდეგის ძირითადი ყურადღება ახლა ორიენტირებულია ოკუპირებული ხაზების შენარჩუნებაზე, არტილერიითა და ნაღმმტყორცნებით თავდასხმების განხორციელებაზე, საჰაერო და სარაკეტო დარტყმებზე. საპასუხოდ, უკრაინულმა ავიაციამ გასული დღის განმავლობაში რუსულ ძალებს 13 დარტყმა მიაყენა.

„ჩვენმა ავიაციამ 13 დარტყმა მიაყენა მოწინააღმდეგის ჯარების ლოგისტიკურ და საკონტროლო ობიექტებს. სარაკეტო და საარტილერიო დანაყოფებმა შეასრულეს 370-ზე მეტი საცეცხლე ამოცანა, რის შედეგადაც განადგურდა 108 ოკუპანტი, 5 ტანკი და 3 ერთეული მრავალჯერადი სარაკეტო სისტემა“, - აცხადებენ ოპერატიულ სარდლობაში.

მათივე ცნობით, ასევე განადგურდა 15 ერთეული ჯავშანტექნიკა, 10 ჰაუბიცა და მძიმე საარტილერიო იარაღი, 120 მმ-იანი ნაღმმტყორცნი, 2 ერთეული S-400 ტიპის სარაკეტო სისტემა და რუსული ძალების ორი საბრძოლო საცავი ნიკოლაევსკის რაიონში.