უსინათლო, ყრუ, სმენადაქვეითებული ან წერა-კითხვის არმცოდნე პირების მონაწილეობით გარიგების დადებასთან დაკავშირებული ურთიერთობები კანონით დარეგულირდება

უსინათლო, ყრუ, სმენადაქვეითებული ან წერა-კითხვის არმცოდნე პირების მონაწილეობით გარიგების დადებასთან დაკავშირებული ურთიერთობები კანონით დარეგულირდება. ამის შესახებ ინფორმაციას პარლამენტის პრესსამსახური ავრცელებს.

მათი ცნობით, „საქართველოს სამოქალაქო კოდექსის" ცვლილებებით, უსინათლო, ყრუ, სმენადაქვეითებული ან წერა-კითხვის არმცოდნე პირების მონაწილეობით გარიგების დადებასთან დაკავშირებული ურთიერთობები რეგულირდება.

კანონპროექტი პარლამენტის წევრმა, რატი იონათამიშვილმა კოლეგებს პირველი მოსმენით გააცნო.

მისი განმარტებით, კანონპროექტზე მუშაობა ინკლუზიურად და დაინტერესებული პირების ჩართულობით წარიმართა." უსინათლოები გარიგებების დროს ბევრ უსამართლო ბარიერებს აწყდებიან და განსაკუთრებით ეს კერძო სექტორში აისახება. მიუხედავად იმისა, რომ მათ შეუძლიათ დადონ გარიგება, ისინი იძულებულნი არიან მესამე პირის, მოწმის თანდასწრებას, რაც მათ კონფიდენციალურობას უქმნის საფრთხეს. ეს ერთგვარ დისკრიმინაციულ მიდგომას წარმოადგენს. აღნიშნული საკითხები რამდენიმე წლის წინ იუსტიციის სამინისტრომ მინისტრის ბრძანებით დაარეგულირა, მაგრამ საჭიროა, რომ ეს მიდგომა კანონის დონეზე იყოს უზრუნველყოფილი", - განაცხადა რატი იონათამიშვილმა.

რატი იონათამიშვილმა კანონპროექტით შემოთავაზებული ცვლილებები განმარტა და დეპუტატების შეკითხვებს უპასუხა. კანონპროექტის პირველი მოსმენით მიღებას, დეპუტატებმა 74 ხმით, ერთხმად დაუჭირეს მხარი.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება