ხატია დეკანოიძე - მე ვნახე ჩემი კადრები: როგორ მიღებდნენ, როცა შევდივარ სახლში, არჩევნებზე ვატარებ შეხვედრებს, როგორ დავდივარ საავადმყოფოში, ამ ყველაფერზე მექნება შეკითხვები სუს-ის უფროსთან
მე ვნახე ჩემი კადრები - როგორ მიღებდნენ, როცა შევდივარ სახლში, როცა არჩევნებზე ვატარებ შეხვედრებს, როგორ ვესაუბრები დედაჩემს, როგორ დავდივარ საავადმყოფოში ჯანმრთელობასთან დაკავშირებით პრობლემებზე - ამ ყველაფერზე, რა თქმა უნდა, მე მექნება შეკითხვები სუს-ის უფროსთან, - ამის შესახებ ფრაქცია „ნაციონალური მოძრაობის“ თავმჯდომარე ხატია დეკანოიძემ ჟურნალისტებთან განაცხადა.
მისი თქმით, მას გრიგოლ ლილუაშვილთან სხვა საკითხებზეც ექნება შეკითხვები.
„ასევე, შეკითხვები მექნება გოგაშვილის საქმეზე, იმ კრებსებთან დაკავშირებით, რომელიც არაერთხელ გავრცელებულა, განსაკუთრებით, საქართველოს უსაფრთხოებასთან დაკავშირებულ საკითხებზე, რომ ქვეყანაში რუსული ჯაშუშური ქსელი მოქმედებს, შემდეგ ამ ადამიანებს აკავებენ ევროპის ქვეყნებში და ჩვენ სამწუხაროდ, ძალიან გვიან ვიგებთ და გვიან ვუსმენთ სუს-ის ანგარიშსაც“, - განაცხადა დეკანოიძემ.
პარლამენტის დღევანდელ პლენარულ სხდომაზე სახელმწიფო უსაფრთხოების სამსახურის ყოველწლიური ანგარიშის მოსმენა იგეგმება.
ანგარიშს დეპუტატებს სუს-ის უფროსი გრიგოლ ლილუაშვილი გააცნობს.
v-if="article.gallery" v-html="article.gallery"
