უკრაინის გენშტაბის ინფორმაციით, რუსებმა ხერსონში საოკუპაციო ძალების გასაძლიერებლად, „კადიროველები“ ჩაიყვანეს

დროებით ოკუპირებულ ხერსონის ოლქში ე.წ.კადიროველები ჩაიყვანეს, - ინფორმაციას უკრაინის შეიარაღებული ძალების გენერალური შტაბი ავრცელებს.

„ხერსონის ოლქის დროებით ოკუპირებულ ტერიტორიებზე რუსული დაჯგუფების გასაძლიერებლად, ე.წ. „კადიროველების“ ქვედანაყოფი, 1300-მდე ადამიანი, ჩამოვიდა“, - ნათქვამია ანგარიშში.

შეგახსენებთ, უკრაინის შეიარაღებული ძალები ხერსონისა და ხარკოვის მიმართულებებით კონტრშეტევაზე გადავიდნენ. 8 სექტემბერს გენერალურმა შტაბმა გაავრცელა ინფორმაცია ხარკოვის ოლქის რამდენიმე სოფლის, ასევე ქალაქ ბალაკლეიას დეოკუპაციის შესახებ, რომელიც 6 თვის განმავლობაში რუსეთის ფედერაციის კონტროლის ქვეშ იყო.

უკრაინული მხარის ინფორმაციით, მათმა ძალებმა სამ დღეში, ზოგიერთი მიმართულებით ოკუპირებულ ტერიტორიებზე 50 კმ სიღრმეზე შეაღწიეს. 1-ელი სექტემბრის შემდეგ კი ოკუპაციისგან ათას კვადრატულ კილომეტრზე მეტი ტერიტორია გაათავისუფლეს.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!