უკრაინული მედიის ინფორმაციით, სახელმწიფო ღალატის ბრალდებით, ხარკოვის ოლქის უსაფრთხოების სამსახურის ყოფილი უფროსი დააკავეს
უკრაინული მედიის ინფორმაციით, ხარკოვის ოლქის უსაფრთხოების სამსახურის ყოფილი უფროსი დააკავეს. დაკავებული რომან დუდინი ხარკოვის ოლქში უსაფრთხოების სამსახურს მაისის ბოლომდე ხელმძღვანელობდა.
წყაროს ინფორმაციით, დუდინი ეჭვმიტანილია სახელმწიფო ღალატში და სამსახურებრივი ადგილის მიტოვებაში.
უკრაინის პრეზიდენტმა ვოლოდიმირ ზელენსკიმ დუდინი ხარკოვის ოლქის უსაფრთხოების სამსახურიდან 29 მაისს დაითხოვა. მიზეზად კი დასახელდა, რომ ის არ მუშაობდა ქალაქის დაცვაზე, "არამედ საკუთარ თავზე ფიქრობდა".
