გერმანიის ბუნდესტაგის საგარეო ურთიერთობათა კომიტეტის ხელმძღვანელის, მაიკლ როტის განცხადებით, დასავლეთმა ყველაფერი უნდა გააკეთოს იმისთვის, რომ უკრაინას გამარჯვების მიღწევაში დაეხმაროს.

„ომის ამ ახალ ფაზაში უკრაინას სჭირდება იარაღი, რომელიც მას საშუალებას მისცემს გაათავისუფლოს რუსეთის მიერ ოკუპირებული ტერიტორიები და მუდმივად შეინარჩუნოს ისინი მის კონტროლქვეშ. დასავლეთმა, კერძოდ, აშშ-მა, გერმანიამ, საფრანგეთმა და პოლონეთმა, მჭიდრო კოორდინაცია სწრაფად უნდა მოახდინოს და მიწოდება ახალ ვითარებას უნდა მოარგოს“, - განაცხადა როტმა.

მისი თქმით, სულ უფრო რეალური ჩანს, რომ უკრაინას შეუძლია მოიგოს ეს ომი და მოიგოს როგორც თავისუფალმა, დემოკრატიულმა ქვეყანამ ტერიტორიული მთლიანობის შენარჩუნებით.

ამასთან, ბუნდესტაგის თავდაცვის კომიტეტის ხელმძღვანელის, მარია-აგნეს შტრაკ-ციმერმანის განცხადებით, გერმანიას აქვს ვალდებულება ხელი შეუწყოს დემოკრატიის შენარჩუნებას.

„გერმანიამ დაუყოვნებლივ უნდა შეასრულოს თავისი როლი უკრაინის წარმატებებში და მიაწოდოს დაცული მანქანები - Marder-ის ქვეითი საბრძოლო მანქანა და Leopard 2-ის მთავარი საბრძოლო ტანკი“, - აღნიშნა გერმანელმა პოლიტიკოსმა.