აკაკი ბობოხიძე - „ქართული ოცნებიდან" გასული ოთხეულის უმრავლესობის სხდომაზე ყოფნა კიდევ ერთხელ ადასტურებს, რომ ისინი არსად წასულან, კვლავ ივანიშვილის სახელითა და დავალებით ლაპარაკობენ

„ქართული ოცნებიდან“ გასული ოთხეულის უმრავლესობის სხდომაზე ყოფნა კიდევ ერთხელ ადასტურებს, რომ ისინი არსადაც არ წასულან და ჯერჯერობით იმას ახმოვანებენ, რასაც ბიძინა ივანიშვილის ვერ ბედავს, რომ თავის ან „ქართული ოცნების“ სახელით თქვას. ისინი ბიძინა ივანიშვილის სახელითა და დავალებით ლაპარაკობენ, - ასე ეხმაურება „ევროპული საქართველოს“ გენერალური მდივანი, აკაკი ბობოხიძე „ქართული ოცნების“ საპარლამენტო უმრავლესობის და სამთავრობო გუნდის გასვლით შეხვედრაზე პარტიიდან წასული ოთხი დეპუტატის ყოფნას.

„თუ „ქართული ოცნება“ ე.წ. ოთხეულის პოზიციას მართლა ემიჯნება, მაშინ ისინი უმრავლესობაშიც არ უნდა ჰყავდეთ, იმიტომ, რომ უმრავლესობაში ერთად ყოფნა ნიშნავს, რომ გარკვეულწილად პასუხისმგებლობას იღებ უმრავლესობაში მყოფი პარტნიორების განცხადებებზეც, განსაკუთრებით, როცა ეს პოზიციები სტრატეგიულ პარტნიორებთან დამოკიდებულებას ეხება“, - განაცხადა აკაკი ბობოხიძემ.

შეგახსენებთ, კაჭრეთში, „ქართული ოცნების“ საპარლამენტო უმრავლესობის და სამთავრობო გუნდის გასვლით შეხვედრას „ქართული ოცნებიდან“ გასული ოთხი დეპუტატი - სოზარ სუბარი, დიმიტრი ხუნდაძე, მიხეილ ყაველაშვილი და გურამ მაჭარაშვილი ესწრებოდა. როგორც „ინტერპრესნიუსთან“ საუბრისას გურამ მაჭარაშვილმა განმარტა, სხდომას ოთხივე დეპუტატი საპარლამენტო უმრავლესობის წევრის სტატუსით ესწრებოდა და არა პარტიის.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
„საქკაბელმა“ ენერგეტიკულ გამოფენაზე ახალი პროდუქცია წარადგინა
მედიაჰოლდინგ „ჯორჯიან თაიმსის” ბიზნეს რეიტინგის XXIII დაჯილდოების ცერემონიაზე PSP-მ 3 ჯილდო მიიღო
GM PHARMA-ს მორიგი აღიარება და საერთაშორისო PIC/S GMP სერტიფიკატი