რუსი დამპყრობლებისგან გათავისუფლებული ხარკოვის ოლქის სოფელ ზალიზნიჩნოიეს ტერიტორიაზე სამართალდამცავებმა ოთხი ადგილობრივის ცხედარი იპოვეს. გარდაცვლილებს სხეულზე წამების ნიშნები აღენიშნებათ. ამის შესახებ გენერალურმა პროკურატურამ Telegram-ში განაცხადა.

როგორც აღინიშნა, ზალიზნიჩნის მცხოვრებლებმა თავად მიმართეს სამართალდამცავ ორგანოებს დეოკუპაციის შემდეგ და განაცხადეს, რომ რუსმა ჯარისკაცებმა მათი თანასოფლელები დახოცეს.

სამართალდამცავების წინასწარი მონაცემებით, რუსმა სამხედროებმა ზალიზნიჩნიში მშვიდობიანი მოქალაქეები სოფლის ოკუპაციის დროს მოკლეს.

ცხედრები უკვე გადასვენებულია სასამართლო-სამედიცინო ექსპერტიზაზე.