"ყირიმის რესპუბლიკის მინისტრთა საბჭოს" ე.წ. ხელმძღვანელის სერგეი აქსიონოვის განცხადებით, ყირიმში საჯარო ღონისძიებებზე უკრაინის მხარდამჭერი ლოზუნგები და ნაციონალისტური სიმღერები ისმის.
აქსიონოვი მიიჩნევს, რომ ადამიანები, რომლებიც უკრაინის მხარდაჭერით გამოირჩევიან პასუხისგებაში უნდა იქნენ მიცემულნი ან „გაემგზავრონ იმ ქვეყანაში, რომელიც მათ ასე ძალიან უყვართ“.
„საინფორმაციო სივრცეში გაჩნდა ვიდეო საჯარო ღონისძიებებიდან ყირიმში, რომლებზეც მონაწილეები სკანდირებენ უკრაინის მხარდამჭერ ლოზუნგებს, მღერიან ნაციონალისტურ სიმღერებს. მივიჩნევ, რომ ორგანიზატორებიც და მსგავსი ღონისძიებების მონაწილეებიც პასუხისგებაში უნდა მიეცნენ, გათავისუფლდნენ თანამდებობიდან და მიღებულ იქნას სხვა ზომები კანონმდებლობის ფარგლებში. მათთვის ვინც მხარს უჭერს უკრაინულ რეჟიმს რაციონალური და ლოგიკური იქნება იმ ქვეყანაში გამგზავრება რომელიც მათ ასე ძალიან უყვართ“, - განაცხადა აქსიონოვმა.