ლუგანსკის გუბერნატორი - ქალაქი კრემინა რუსებისგან სრულიად ცარიელია, იქ ფრიალებს პარტიზანების მიერ აღმართული უკრაინის დროშა
ლუგანსკის საოლქო-სამხედრო ადმინისტრაციის ხელმძღვანელი სერჰი გაიდაი აცხადებს, რომ ქალაქი კრემინა რუსებისგან მთლიანად თავისუფალია.
მისი თქმით, უკრაინის შეიარაღებული ძალები ქალაქში ჯერჯერობით არ შესულან.
სერჰი გაიდაიმ ასევე აღნიშნა, რომ უკრაინული ძალები ამჟამად აკვირდებიან ქალაქ ლიმანში არსებულ ვითარებას, რომელიც რეგიონის საკვანძო ქალაქს წარმოადგენს.
„ლუგანსკის ოლქის ფართომასშტაბიანი დეოკუპაცია დაიწყება კრემინადან და სვატოვიდან, რუსებმა უკვე დაიწყეს აღჭურვილობის მიზიდვა ამ ქალაქებთან. დღეს კრემინა სრულიად ცარიელია - რუსეთის არმიამ ქალაქი დატოვა. იქ ფრიალებს პარტიზანების მიერ აღმართული უკრაინის დროშა”, - აცხადებს გაიდაი.
