6 სექტემბრიდან უკრაინულმა ძალებმა ხარკოვის 388 დასახლება გაათავისუფლეს

6 სექტემბრიდან უკრაინულმა ძალებმა ხარკოვის დაახლოებით 388 დასახლება გაათავისუფლეს. ამის შესახებ უკრაინის თავდაცვის მინისტრის მოადგილე, ანა მალიარი აცხადებს.

მისივე თქმით, გათავისუფლებულია დაახლოებით 8,500 კვ. კმ და ასევე, დაახლოებით 150 000 ადამიანი.

„ციფრები მუდმივად ზუსტდება, რადგან პროცესი დინამიურია. გარდა ამისა, გათავისუფლებულ ტერიტორიებს ჯერ კიდევ სჭირდებათ უსაფრთხოებისა და სტაბილიზაციის დამატებითი ზომები, რათა იქ უსაფრთხოდ იცხოვრონ”, - დასძინა უკრაინის თავდაცვის მინისტრის მოადგილემ.

როგორც მან განაცხადა, ოფიციალურ ინფორმაციას განთავისუფლებული დასახლებების შესახებ შეგნებულად, დაგვიანებით ავრცელებენ.

მალიარის თქმით, ფრონტის ხაზი ამჟამად 2500 კილომეტრია, საიდანაც 1 300 კილომეტრზე აქტიური საბრძოლო მოქმედებები მიმდინარეობს.

„დიახ, ჩვენ დიდი ხანი ველოდით ამ წარმატებას, მაგრამ ჯერ კიდევ უნდა ვიბრძოლოთ და ვიბრძოლოთ. სრულ გამარჯვებამდე, ჩვენ გავათავისუფლებთ კიდევ ბევრ ჩვენს მოქალაქეს და ჩვენს მიწას. ჩვენ გვჭირდება მეტი დრო, ძალა და მოთმინება”, - აღნიშნა მალიარმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს