უკრაინის პრეზიდენტმა ვოლოდიმირ ზელენსკიმ აშშ-ს, გერმანიას, იტალიას, საფრანგეთსა და ისრაელს მოუწოდა, მისი ქვეყანა სამოქალაქო ინფრასტრუქტურაზე რუსეთის თავდასხმების ფონზე საჰაერო თავდაცვის სისტემებით უზრუნველყონ.
უკრაინის პირველმა პირმა აღნიშნულის შესახებ კიევში, ევროკომისიის პრეზიდენტთან ურსულა ფონ დერ ლაიენთან გამართულ ერთობლივ პრესკონფერენციაზე განაცხადა.
„აშშ-ს გარდა, ჩვენ საფრანგეთთან, იტალიასთან, გერმანიასთან და ისრაელთან ვსაუბრობთ, თუმცა ამ უკანასკნელისგან [ისრაელის] მხრიდან დადებითი რეაქცია არ მიგვიღია. ბევრი ქვეყანა არაა, რომელსაც შეუძლია ჩვენთვის გარანტიის მოცემა საჰაერო თავდაცვის კუთხით. ეს საკითხი ამ ხუთი ქვეყნის ფარგლებში უნდა გადაწყდეს“,- აღნიშნა ზელენსკიმ.
გარდა ამისა, პრესკონფერენციის დროს, ზელენსკიმ მეტი იარაღიც ითხოვა.