უკრაინის გენერალური შტაბი - რუსულმა ძალებმა დღეს უკრაინაში სამხედრო და სამოქალაქო ობიექტებზე 33 სარაკეტო თავდასხმა განახორციელეს
უკრაინის შეიარაღებული ძალების გენერალური შტაბის განცხადებით, რუსულმა ძალებმა დღეს უკრაინაში სამხედრო და სამოქალაქო ობიექტებზე 33 სარაკეტო თავდასხმა განახორციელეს, რამაც დნეპროპეტროვსკის, ხერსონის, ზაპოროჟიეს, დონეცკის, ხარკოვისა და მიკოლაივის ოლქებში 20-ზე მეტი დასახლების ინფრასტრუქტურა დააზიანა.
გენერალურმა შტაბმა ყოველდღიურ ბრიფინგზე განაცხადა, რომ რუსული ძალები ყურადღებას დონეცკის ოლქის სრულად ოკუპაციაზე ამახვილებენ.
„უკრაინის მთელ ტერიტორიაზე საჰაერო და სარაკეტო დარტყმების საფრთხე რჩება“, - დასძენს გენერალური შტაბი.
