ურსულა ფონ დერ ლაიენი - თუ უკრაინა ამბობს, რომ ტანკები სჭირდება, უნდა მივაწოდოთ - მნიშვნელოვანია, რომ პუტინმა წააგოს ეს ომი, პასუხი აგოს თავისი ქმედებებისთვის

ევროკომისიის პრეზიდენტის, ურსულა ფონ დერ ლაიენის განცხადებით, უკრაინას ყველა საჭირო იარაღი უნდა მიეწოდოს.

„თუ ისინი ამბობენ, რომ სჭირდებათ საბრძოლო ტანკები, მაშინ ჩვენ ეს სერიოზულად უნდა მივიღოთ და მივაწოდოთ. უკრაინამ ზუსტად იცის, რა სჭირდება ადამიანების სიცოცხლისა და თავის დასაცავად. მომხრე ვარ, რომ ევროპულმა სახელმწიფოებმა მიაწოდონ ის, რაც რეალურად სჭირდება უკრაინას. უკრაინელები ამტკიცებენ, რომ მათ შეუძლიათ დაიცვან თავი, თუ ექნებათ შესაბამისი სამხედრო საშუალებები“, - აღნიშნა ევროკომისიის პრეზიდენტმა BILD TV-სთან ინტერვიუში.

მისი თქმით, უკრაინელები მხოლოდ საკუთარი თავისთვის არ იბრძვიან და დემოკრატიის გამარჯვება აუცილებელია.

„ისინი ჩვენთვის, ყველასთვის იბრძვიან. დემოკრატიის გამარჯვება აუცილებელია. ამიტომ ძალიან მნიშვნელოვანია, რომ ქვეყანამ მიიღოს ყველა საჭირო იარაღი“, - აღნიშნა ევროკომისიის ხელმძღვანელმა.

მისი თქმით, დარწმუნებულია, რომ უკრაინა გაიმარჯვებს და პუტინი დამარცხდება.

„მტკიცედ ვარ დარწმუნებული, რომ უკრაინა გაიმარჯვებს და პუტინმა უნდა წააგოს, რადგან უკრაინას უზარმაზარი მოტივაცია აქვს. მნიშვნელოვანია, რომ პუტინმა წააგოს ეს ომი, პასუხი აგოს თავისი ქმედებებისთვის“, - აღნიშნა ურსულა ფონ დერ ლაიენმა.

პუტინის მიერ ბირთვული იარაღის შესაძლო გამოყენებასთან დაკავშირებულ კითხვაზე პასუხისას, ევროკომისიის პრეზიდენტმა განაცხადა, რომ მსოფლიოს არ ეშინია და არ დაემორჩილება პუტინის ბირთვულ შანტაჟს.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!