უკრაინის ეროვნული პოლიციის უფროსის განცხადებით, კოლაბორანტების უმრავლესობამ, რომლებიც ხარკოვის ტერიტორიაზე მჭიდროდ თანამშრომლობენ მტერთან, დეოკუპაციამდე დატოვეს ოლქი

უკრაინის ეროვნული პოლიციის უფროსის იგორ კლიმენკოს განცხადებით, კოლაბორანტების უმრავლესობამ, რომლებიც ხარკოვის ოლქის ტერიტორიაზე მჭიდროდ თანამშრომლობენ მტერთან, დეოკუპაციამდე დატოვეს ოლქი.

კლიმენკომ ასევე აღნიშნა, რომ სხვა პირებზე, მათ შორის ადგილობრივ ჩინოსნებსა და სამართალდამცავებზე, რომლებთან დაკავშირებითაც არსებობს შესაბამისი ინფორმაცია, მიმდინარეობს ზედმიწევნითი შემოწმება.

„ძირითადი კოლაბორანტები, რომლებიც წარმოადგენდნენ ადგილობრივ ხელისუფლებას, ადგილობრივ სამართალდამცავ ორგანოებს და რომელთაც ხელები სისხლში აქვთ გასვრილი, - ყველა მათგანი რუსეთის ფედერაციაში გადავიდა“, - აღნიშნა უკრაინის პოლიციის უფროსმა.

მისი თქმით, გათავისუფლების შემდეგ ხარკოვის ოლქის ტერიტორიაზე დარჩა სოფლების საკრებულოების ხელმძღვანელთა ნაწილი.

„აქ საშიში ისინი კი არ არიან, ვინც რუსულ ტელევიზიას უყურებს, თუმცა ესეც საშიშია, არამედ ისინი, ვინც უშუალოდ თავისი ქმედებებით უბიძგა რუსებს ასეთი დანაშაულების ჩადენისკენ, ვინც ჩვენს სამხედროებზე, ჩვენ პოზიციებზე აწვდიდა ინფორმაციას, ვინც სკოლებში მუშაობას ცდილობდა... ეს ხალხი საშიშია“, - განაცხადა კლიმენკომ.

პოლიციის უფროსმა დაამატა, რომ საოკუპაციო ხელისუფლების ე.წ. სამართალდამცავი ორგანოების ყველა ხელმძღვანელი ან რუსეთში გადავიდა, ან ე.წ. „ლუგანსკის სახალხო რესპუბლიკაში“, თუმცა რიგითი თანამშრომლების ნაწილი უკვე დაკავებულია და სასამართლოს წინაშე წარდგება.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი