ვლადიმერ პუტინი - ზელენსკიმ ხომ გამოაცხადა, არ ვიცი სად, მაგრამ საჯაროდ თქვა, რომ არ არის მზად და არ სურს საუბარი რუსეთთან - არ არის მზად და ნუ არის

რუსეთის პრეზიდენტმა ვლადიმერ პუტინმა უკრაინის პრეზიდენტ ვოლოდიმირ ზელენსკისთან შეხვედრის პირობები დაასახელა. ამის შესახებ რუსული მედია წერს.

„ერდოღანი ასევე გვთავაზობს შეხვედრას პრეზიდენტ ზელენსკისთან და მიაჩნია, რომ ამან შეიძლება გამოიწვიოს გარკვეული დადებითი შედეგი“, - განაცხადა ვლადიმერ პუტინმა უზბეკეთში ვიზიტის შემდეგ გამართულ პრესკონფერენციაზე.

მისი თქმით, პირველი პირობა შეხვედრისთვის არის ის, რომ კიევის ხელისუფლება დათანხმდეს.

„თუმცა, ისინი უარს ამბობენ! ზელენსკიმ ხომ გამოაცხადა! საჯაროდ თქვა - არ ვიცი სად, მაგრამ საჯაროდ - რომ არ არის მზად და არ სურს საუბარი რუსეთთან. არ არის მზად და ნუ არის“, - განაცხადა პუტინმა.

დღესვე პუტინმა კომენტარი გააკეთა უკრაინაში მიმდინარე ომზე და დასავლეთთან ურთიერთობაზე.

მისი თქმით, რუსეთის ბირთვული ობიექტების ტერიტორიებზე ცდილობდნენ ტერაქტის მოწყობას, მაგრამ ახლა ვითარება კონტროლს ექვემდებარება.

„რუსეთი გარკვეულ დრომდე შეკავებულად პასუხობს უკრაინის დარტყმებსა და ტერაქტებზე“, - განაცხადა პუტინმა.

მისი თქმით, გაცილებით სერიოზული ზომები იქნება მიღებული, თუკი კიევის ხელისუფლება ვერ შეიგნებს, რომ ასეთი მეთოდები დაუშვებელია.

„სულ ახლახან, რუსეთის შეიარაღებულმა ძალებმა ორი დარტყმა განახორციელეს და მოდი, ჩავთვალოთ, რომ ისინი გამაფრთხილებელი იყო. თუკი მომავალში ვითარება მსგავსადვე წარიმართება, პასუხი გაცილებით სერიოზული იქნება“, - აღნიშნა კრემლის ლიდერმა.

მანვე ხაზგასმით თქვა, რომ „სპეცოპერაციის“ გეგმა კორექტირებას არ ექვემდებარება.

„გენერალური შტაბი იღებს ოპერატიულ გადაწყვეტილებებს, რაღაც გადამწყვეტია, ძირითადი მიზანი კი დონბასის ტერიტორიის გათავისუფლებაა. ეს მუშაობა გრძელდება მიუხედავად უკრაინის არმიის კონტრშეტევებისა“, - აღნიშნა პუტინმა.

მისი თქმით, ახლა ომში მონაწილეობს არმიის მხოლოდ საკონტრაქტო ნაწილი.

„ყურადღება მიაქციეთ, რომ ჩვენ ვომობთ არა სრული არმიით, არამედ რუსეთის არმიის მხოლოდ ნაწილით, მხოლოდ საკონტრაქტო ნაწილით. ბუნებრივია, ეს დაკავშირებულია პირადი შემადგენლობის გარკვეულ პარამეტრებთან და ასე შემდეგ... ამიტომ ჩვენ არ ვჩქარობთ ამ მიმართულებით“, - განაცხადა პუტინმა.

დღესვე პუტინმა განაცხადა, რომ მისთვის ცნობილი არ არის უკრაინის პროექტი უსაფრთხოების გარანტიებზე.

ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
ოთარ ჯანელიძე - რუსეთიდან შემომსვლელ მიგრანტებთან დაკავშირებით უნდა იგრძნობოდეს, რომ ვმოქმედებთ, როგორც სახელმწიფო
ქართული პრესის მიმოხილვა 28.09.2022
ევროპული უსაფრთხოების არქიტექტურა და საქართველოს ეროვნული ინტერესები
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა
სვისმედკომერსი - უმტკივენულო ანესთეზიის ტექნოლოგიის დანერგვა საქართველოს ბაზარზე
ლისის ტბაზე LISI VIBES გაიმართება
ლიბერთიმ მეთხილე ფერმერებისთვის ახალი აგროპროექტი დაიწყო
განახლებული ვაკის საცურაო აუზი ახალ სეზონს მასპინძლობს
ლიბერთის ახალი აქცია სამომხმარებლო სესხზე