სამხრეთის ოპერატიული სარდლობა - უკრაინელებმა რუსების გემი ჩაძირეს, რომელზეც ოკუპანტები იმყოფებოდნენ

უკრაინის შეიარაღებულმა ძალებმა სამხრეთ ფრონტზე მოწინააღმდეგის გემი ჩაძირეს, რომლის ბორტზე სამხედრო ტექნიკა იყო განთავსებული და სამხედროები იმყოფებოდნენ, - ინფორმაციას ოპერატიული სარდლობა „სამხრეთი“ ავრცელებს.

„გემი, სამხედრო ტექნიკითა და თანმხლები პერსონალით, რუსული ხომალდის გზაზე გაიგზავნა“, - აღნიშნულია ინფორმაციაში.

მათივე ცნობით, სამხრეთ ფრონტზე ვითარება, ზოგადად, სტაბილურად დაძაბულია, თუმცა თავდაცვის ძალები აკონტროლებენ.

„გასული დღის განმავლობაში მტერი განაგრძობდა აქტიურ საჰაერო დაზვერვას, სარაკეტო და საარტილერიო დაბომბვას და უკრაინის პოზიციების წინააღმდეგ 12 ავიაიერიში მიიტანა“, - აღნიშნულია ინფორმაციაში.

ოპერატიულ სარდლობა „სამხრეთში“ აცხადებენ, რომ უკრაინის ავიაციამ მოწინააღმდეგეს სამი დარტყმა და ოპერატიულ-ტაქტიკური დონის 2 რუსული სადაზვერვო თვითმფრინავი გაანადგურა, უკრაინის შეიარაღებული ძალების სარაკეტო და საარტილერიო დანაყოფებმა კი 320-ზე მეტი საცეცხლე ამოცანა შეასრულეს.

„უკრაინელმა სამხედროებმა ერთ დღეში, სამხრეთში, 62 ოკუპანტი და 5 ერთეული ჯავშანმანქანა გაანადგურეს“, - აღნიშნულია ინფორმაციაში.

ლევან  შენგელია - ხელისუფლების თამაში ევროსტრუქტურებთან უაღრესად საშიში თამაშია და შეიძლება საქართველოსთვის საბედისწეროდ დამთავრდეს
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
ქართული პრესის მიმოხილვა 04.03.2024
„ფარმადეპოში“ გაზაფხულის ფასდაკლებები დაიწყო