საოკუპაციო ძალების ინფორმაციით, დონეცკის ოლქის დასახლებულ პუნქტ ელენოვკაში მდებარე კოლონია დღეს კვლავ დაიბომბა, რის შედეგადაც ერთი უკრაინელი ტყვე დაიღუპა.

ამასთან, ე.წ. „დონეცკის სახალხო რესპუბლიკის“ „იუსტიციის სამინისტროს“ ცნობით, დაშავებულია კიდევ 5 ტყვე.

შეგახსენებთ, ელენოვკას კოლონია პირველად 30 ივლისს დაბომბეს, რასაც ათობით უკრაინელი სამხედრო ტყვის სიცოცხლე ემსხვერპლა. რუსეთმა მომხდარში უკრაინის შეიარაღებული ძალები დაადანაშაულა, თუმცა უკრაინის ხელისუფლებაში ბრალდება უარყვეს, კოლონიის დაბომბვა ტერორისტულ თავდასხმად შეაფასეს და განაცხადეს, რომ აგროვებენ მტკიცებულებებს იმის დასამტკიცებლად, რომ ტყვეების მკვლელობაზე პასუხისმგებელი რუსეთია.