უკრაინის პრეზიდენტის ადმინისტრაციის ხელმძღვანელის მრჩეველი, მიხაილო პოდოლიაკი აცხადებს, რომ რუსეთი ევროპის წინააღმდეგ ჰიბრიდულ ომს აწარმოებს, რაც გაზრდილ გადასახადებში კარგად ჩანს.

„უნდა გვესმოდეს: რუსეთი აწარმოებს ჰიბრიდულ ომს ევროპის წინააღმდეგ. ევროპელები ამას თავიანთ გადასახადებში ხედავენ. უკრაინის გამარჯვება გაათავისუფლებს ევროპას რუსეთის ფედერაციის შანტაჟისგან და ბოლოს მოუღებს მაღალ ტარიფებს“, - წერს პოდოლიაკი „ტვიტერზე“.

მისი თქმით, ტანკები და ქვეითთა საბრძოლო მანქანები ყველაზე მცირე ინვესტიციაა ევროპული ოჯახების კეთილდღეობისთვის.