ანრი ოხანაშვილი - გვთავაზობენ მოდელს: იუსტიციის საბჭოში 3 ადამიანის ხმამ გადაწონოს 12-ის ხმა, რომელ საერთაშორისო სტანდარტში ამოიკითხეს?

არ გვჭირდება არც ჩამორჩენილი სამართლებრივი კულტურის მქონე ქვეყნების გამოცდილების გაზიარება და არც ისეთი მცდელობების დრო გვაქვს, ექსპერიმენტები ვატაროთ, - ასე ეხმიანება საქართველოს პარლამენტის იურიდიულ საკითხთა კომიტეტის თავმჯდომარე ანრი ოხანაშვილი ჟურნალისტებთან ოპოზიციის კრიტიკას, რომ სასამართლო რეფორმის ფარგლებში ხელისუფლება ფუნდამენტურ ცვლილებებზე, მათ შორის იუსტიციის უმაღლეს საბჭოში გადაწყვეტილებების ორმაგი 2/3- ის პრინციპით მიღების წესზე უარს ამბობს.

მისი თქმით, ოპოზიცია ისეთ ცვლილებებს სთავაზობს, რომელიც საერთაშორისო პრინციპებთან თანხვედრაში არ არის და არც ვენეციის კომისიის მიერ არის მოწონებული.

მისი თქმით, ასეთ ინიციატივებს ეთანხმება სახალხო დამცველის წარმომადგენელიც.

"ოპოზიციის ცალკეული წარმომადგენლები გამოვლენ და გვეტყვიან, რომ რაღაც საკითხებზე ვერ ვთანხმდებითო.. ჰკითხეთ, რომელი საერთაშორისო სტანდარტი დაგვისახელეს და გავიზიარეთ თუ არა ეს. არ გვჭირდება არც ჩამორჩენილი სამართლებრივი კულტურის მქონე ქვეყნების გამოცდილების გაზიარება და არც ისეთი მცდელობების დრო გვაქვს, ექსპერიმენტები ვატაროთ, გაამართლებს თუ არა. როგორ შეიძლება სამი ადამიანის ხმა იყოს უპირატესი 12 ადამიანის ხმაზე? გვთავაზობენ მოდელს, რომ იუსტიციის საბჭოში 3 ადამიანის ხმამ გადაწონოს 12 ადამიანის ხმა, რომელ საერთაშორისო სტანდარტში ამოიკითხეს ეს?! რამდენად შეიძლება იუსტიციის უმაღლეს საბჭოში პოლიტიკის შეტანა, როცა პარლამენტის წევრებს უნდა ჰქონდეთ გადაწყვეტილებების ბლოკირების შესაძლებლობა. ასეთ საკითხებზე მიმდინარეობს მსჯელობა", - განაცხადა ოხანაშვილმა.

ცნობისათვის, ევრორეკომენდაციების შესრულების ფარგლებში სასამართლო რეფორმაზე სამუშაო ჯგუფის შეხვედრა გაიმართა, რომელიც თითქმის 7 საათი მიმდინარეობდა.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა